सातारा : पंतप्रधान नरेंद्र मोदी यांच्या मातोश्रीवर काँग्रेसचे नेते व महासचिव राहुल गांधी यांनी वादग्रस्त टिपणी केली. त्याबाबतचा ए आय व्हिडिओ बिहार प्रचार दौऱ्या दरम्यान जाहीर करण्यात आला. या घटनेचा भारतीय जनता पार्टी महिला मोर्चा सातारा आघाडीच्या वतीने येथील पोवई नाक्यावर निषेध करण्यात आला.

या मोर्चामध्ये महिला मोर्चा प्रदेश उपाध्यक्ष सौ. सुवर्णा पाटील, सचिव सुनेशा शहा,भारतीय जनता पार्टीच्या बेटी बचाव बेटी पढाव उपक्रमाच्या जिल्हाध्यक्षा अनिता हुबळीकर तसेच महिला पदाधिकारी उपस्थित होत्या.

काँग्रेस नेते राहुल गांधी यांनी पंतप्रधान नरेंद्र मोदी यांच्या मातोश्रीवर जे वादग्रस्त वक्तव्य केले, त्या वक्तव्याचा निषेध करण्यात आला. राहुल गांधी यांनी राजकारण करताना जी व्यक्तिगत स्वरूपाची टीका सुरू केली आहे, यामध्येच त्यांचे वैफल्य दिसून येत आहे. पंतप्रधान मोदी यांच्या नेतृत्वावर भारतातील तमाम जनतेने विश्वास दाखवला आहे. त्यामुळे काँग्रेसचे नेते व्यक्तिगत पातळीवरच्या टीका करत आहेत. त्यामुळे राहुल गांधी यांच्यावर कठोर कारवाई करण्यात यावी, अशी मागणी आंदोलनात करण्यात आली.