सातारा : शिवप्रतिष्ठान हिंदुस्तान च्या वतीने घटस्थापनेच्या मुहूर्तावर सातारा शहरात दिनांक 22 सप्टेंबर ते 2 ऑक्टोबर या दरम्यान शहरातील विविध मार्गावरून दुर्गा माता दौड चे आयोजन करण्यात आले आहे. याची माहिती प्रतिष्ठानचे जनसंपर्क अधिकारी धनंजय खोले, प्रवक्ता राहुल इंगवले, अभिजीत बारटक्के, शहर प्रमुख अजिंक्य गुजर व तालुकाप्रमुख शुभम शिंदे यांनी दिली.

सोमवार दिनांक 22 सप्टेंबर रोजी सकाळी सहा वाजता संबंधित भागातील मान्यवरांच्या हस्ते श्रीफळ वाढवून या दुर्गादौडची सुरुवात होणार आहे. या दौंड मध्ये दुर्गा माता मंडळ त्याचे पदाधिकारी आणि स्वयंपूर्ण याचे पारंपारिक पद्धतीने स्वागत करून त्यामध्ये सहभागी व्हावे असे आवाहन करण्यात आले आहे.

दिनांक 22 सप्टेंबर रोजी सोमवारी शिवतीर्थ ते तुळजाभवानी मंदिर रविवार पेठ भाजी मंडई अजिंक्य कॉलनी शिवतीर्थ अशी दौड होणार आहे. ही दौड आयोजित करण्यामागे आजच्या पिढीमध्ये हिंदू धर्माची अस्मिता आणि प्रतिष्ठा तयार व्हावी. आणि आपल्या धर्माविषयीची जागरूकता त्यांच्या वर्तनातून प्रतीत व्हावी, याकरिता ही दौड आयोजित करण्यात आली आहे. असे सांगण्यात आले, ही दौड दरवर्षी आदरणीय संभाजी भिडे गुरुजी यांच्या मार्गदर्शनाखाली आयोजित करण्यात येते. राष्ट्राविषयीची धर्म भक्ती आणि राष्ट्रनिष्ठा तरुण पिढीमध्ये तयार करणे हेच या दौडचे मुख्य उद्दिष्ट आहे.

दौडचे वेळापत्रक पुढीलप्रमाणे :

दिनांक 23 सप्टेंबर शिवतीर्थ ते शाहूनगर कामाटीपुरा गोडोली गोळीबार मैदान

दिनांक 24 सप्टेंबर शिवतीर्थ ते केसरकर पेठ गुरुवार पेठ चुना गल्ली पोलीस वसाहत

दिनांक 25 सप्टेंबर शिवतीर्थ ते ललिता हाऊसिंग सोसायटी म्हाडा कॉलनी भारत माता मंडळ सदर बाजार

दिनांक 26 सप्टेंबर शिवतीर्थ ते भूविकास चौक करंजे आणि तेथून माघारी

दिनांक 27 सप्टेंबर गोलबाग ते शाहूपुरी

दिनांक 28 सप्टेंबर गोलबाग ते शुक्रवार पेठ गडकर अळी व्यंकटपुरा पेठ मोरे कॉलनी मंगळवार तळे पंचपाळी हौद

दिनांक 29 सप्टेंबर गोलबाग ते मंगळवार पेठ ढोणे कॉलनी बोगदा समर्थ मंदिर जंगीवाडा यादव गोपाळ पेठ पंचपाळी हौद

दिनांक 30 सप्टेंबर गोलबाग ते सोमवार पेठ माची पेठ शनिवार पेठ भवानी पेठ राजपथ

दिनांक 1 ऑक्टोबर गोलबाग ते प्रतापगंज पेठ जुनी मंडई 501 पाटी बुधवार पेठ

दिनांक 2 ऑक्टोबर गोलबाग ते मोती चौक 501 पाटी शेटे चौक कमानी हाऊद राजपथ सुरुची बंगला जलमंदिर