सातारा : सातारा तालुका पोलिसांनी विदेशी दारूची चोरटी विक्री करणार्‍या दोन व्यक्तींना अटक करून तब्बल साडेचार लाख रुपयांचा मुद्देमाल जप्त केला आहे. ही कारवाई शुक्रवारी रात्री अकरा वाजण्याच्या सुमारास शेंद्रे गावच्या हद्दीत कोल्हापूर-पुणे सर्व्हिस रोडवर करण्यात आली.

याबाबत पोलिसांनी दिलेल्या माहितीनुसार, आरोपी सागर चंद्रकांत साठी (वय 29, रा. खोजेवाडी, ता. जि. सातारा) आणि त्याचा एक साथीदार हे विदेशी दारूची बेकायदा वाहतूक करून विक्रीसाठी नेत होते. दरम्यान, पोलिसांनी संशयित वाहनाला अडवून तपासणी केली असता 96 हजार 800 रुपये किंमतीची विदेशी दारू आणि सुमारे साडेतीन लाख रुपये किंमतीची स्विफ्ट कार असा एकूण रुपये 4 लाख 46 हजार 800 रुपये किंमतीचा मुद्देमाल जप्त करण्यात आला आहे.

या दोघांविरुद्ध सातारा तालुका पोलीस ठाण्यात गुन्हा दाखल करण्यात आला आहे.