सातारा : सातारा शहर परिसरातून वेगवेगळ्या घटनेत चौघेजण बेपत्ता झाले आहेत. यामध्ये अल्‍पवयीन मुलगी, महिला, वृध्द व युवकाचा समावेश आहे.

याबाबत पोलिसांनी दिलेली माहिती अशी, अल्‍पवयीन मुलीचे अज्ञाताने अपहरण केल्‍याची तक्रार सातारा शहर पोलीस ठाण्यात दाखल झाली आहे. ही घटना दि. ३ नोव्‍हेबर रोजी घडली आहे. मुलगी बेपत्ता झाल्‍यानंतर तिचा शोध घेतल्‍यानंतरही ती सापडली नसल्‍याने कुटुंयिबांनी पोलीस ठाण्यात तक्रार दिली. अधिक तपास महिला पोलीस उपनिरीक्षक जैस्वाल करीत आहेत.

दुसर्‍या घटनेत, हॉटेलमध्ये कामाला जातो, असे सांगून युवक घरातून गेला. मात्र तो परत आला नाही. शाहूपुरी पोलीस ठाण्यात याची नोंद झाली आहे. अधिक तपास पोलीस हवालदार भोसले करीत आहेत.

तिसर्‍या घटनेत, वृध्द घरातून बाहेर गेल्‍यानंतर ते परत आले नाहीत. कुटुंबियांनी शोध घेतल्‍यानंतरही ते सापडत असल्‍याने सातारा शहर पोलीस ठाण्यात तक्रार देण्यात आली आहे. अधिक तपास महिला पोलीस हवालदार पाटील करीत आहेत.

चाैथ्या घटनेत, सातारा शहर परिसरात राहणारी महिला घरातून कोणाला काही न सांगता निघून गेली आहे. सातारा शहर पोलीस ठाण्यात याची नोंद झाली आहे. अधिक तपास महिला पोलीस हवालदार पाटील करीत आहेत.