सातारा : स्वर्गीय यशवंतराव चव्हाण कण्हेर बीटच्या बीटस्तरीय बालक्रिडा स्पर्धा रंगराव देशमुख माध्यमिक विद्यालय अंबवडे बुद्रुक ता.सातारा या ठिकाणी उत्साहात संपन्न झाल्या. सरस्वती प्रतिमा व स्वर्गीय यशवंतराव चव्हाण यांच्या प्रतिमेचे पुजन करून दीप प्रज्वलित करत क्रीडा स्पर्धाचे उद्घाटन करण्यात आले.     

उदघाटनप्रसंगी शिक्षण विस्तार अधिकारी सौ.जयश्री शिंगाडे,केंद्रप्रमुख सुरेश भुरकुंडे,सौ.छाया कदम,राजन देशमुख,क्रीडा केंद्रसमन्वयक जालिंदर कदम,दत्तात्रय गवळी,सविता बारांगळे,मंगेश चव्हाण तसेच रंगराव देशमुख माध्यमिक शाळेचे मुख्याध्यापक वसंत बाबर उपमुख्याध्यापक संजय भंडारे,कोंडवे,कामथी,पेट्री,अंबवडे प्राथमिक केंद्रशाळेचे मुख्याध्यापक,सर्व शाळांचे मुख्याध्यापक,शिक्षक,विदयार्थी मोठयासंख्येने उपस्थित होते.दरम्यान शिक्षण विस्तार अधिकारी सौ.जयश्री शिंगाडे यांनी सर्व विदयार्थ्याना स्पर्धेविषयी माहिती देऊन तालुकास्तरावर सहभागी विद्यार्थी व शाळांना शुभेच्छा दिल्या.

या बीटस्तरीय बालक्रिडा स्पर्धेत धावणे,रिले, रस्सीखेच,गोळाफेक,थाळीफेक,लांब उडी, बुध्दीबळ,योगासने,लंगडी,खो खो,कबड्डी,थ्रो बॉल,पासिंग बॉल आदी लहान गट व मोठया गटाच्या वैयक्तिक व सांघिक स्पर्धा उत्साहात पार पडल्या.बीटातील सर्व शाळांच्या विद्याथ्र्यांनी उत्कृष्ट खेळ करत प्राविण्य मिळवले.या स्पर्धेत कोंडवे,पेट्री,कामथी,अंबवडे आदी केंद्रातील शाळांचे विदयार्थी सहभागी झाले होते.विजयी स्पर्धकांची तालुकास्तरावर निवड झाल्याने सर्वस्तरातुन त्यांचे कौतुक होत आहे.

बालक्रिडा स्पर्धा यशस्वीरित्या संपन्न होऊन सर्व यशस्वी विदयार्थी व त्यांना मार्गदर्शन करणाऱ्या सर्व शिक्षकांचे उपशिक्षणाधिकारी रविंद्र खंदारे,शिक्षण विस्तार अधिकारी सौ.जयश्री शिंगाडे,सुरेश भुरकुंडे,सौ.छाया कदम,राजन देशमुख यांनी अभिनंदन केले.दरम्यान बहुतांशी पालक,ग्रामस्थ उपस्थित होते.

कण्हेर बीटांतर्गत कामथी,पेट्री,कोंडवे,अंबवडे आदी केंद्रातील विद्यार्थी सहभागी झाले होते.वैयकितक तसेच सांघिक खेळात विदयार्थ्यांनी उत्तम प्राविण्य मिळवून तालुकास्तरावर त्यांची निवड करण्यात आली आहे. 

दरवर्षी संपन्न होणाऱ्या या बालक्रीडा स्पर्धांतुन विदयार्थ्यांच्या सुप्त कलागुणांना वाव मिळत असुन नेतृत्व,संयम,सहकार्य,सहानुभुती आदी विविध गुणांचा विकास होण्यास मदत होत आहे.

सौ.जयश्री शिंगाडे, शिक्षण विस्तार अधिकारी, बीट-कण्हेर

[बीटस्तरीय बालक्रिडा स्पर्धेत खेळ खेळताना पेट्री,कोंडवे,कामथी,अंबवडे केंद्राचे विद्यार्थी व प्रोत्साहन देताना शिक्षक वर्ग]